வகுப்பு 5
குறிக்கோள்:
பேசுதல்:
படம் பார்த்து வெவ்வேறு சூழலை அறிந்துக்கொண்டு, குறிப்புச் சொற்களின் உதவியுடன் பேச்சுத் தமிழில் பேசுதல், விளையாட்டுகள் மூலம் எளிமையாகப் புரிந்துக் கொண்டூ பேசுதல், திட்டப்பணிகள் செய்வதன் மூலம் வித விதமான தலைப்புகளை ஆராய்ந்துப்
பேசுதல்.பாகமேற்று நடித்தல், பல்வேறு சூழல்களில் கருத்துகளை எளிய முறையிலும் பயன்பாட்டுக்கு ஏற்ற வகையிலும் கூறுதல், தேவைக்கேற்பக் குரல் ஏற்ற இறக்கத்துடன் பேசுதல், சூழலுக்கேற்ப பேச்சுத் தமிழில் பேசுதல் அல்லது எழுத்துத்தமிழில் பேசுதல்.
எழுதுதல்:
சூழல், தொடர்படங்கள், உதவிச் சொற்கள், சிறு குறிப்புகள் முதலியவற்றைப் பயன்படுத்தித் தம் கருத்துகளை வாக்கியங்களாக எழுததல். படித்த எழுத்துகளையும், சொற்களையும் கொண்டு எளிய வாக்கியங்களை உருவாக்குதல். தெளிவாகவும் வரிவடிவம் சிதையாமலும் எழுதுதல், ஆசிரியர் சொல்வதைப் புரிந்து, கேட்டுச் சரியான சொல்லை எழுதுதல். சொற்களை வரிசைப்படுத்தி வாக்கியம் அமைத்தல்.
படித்தல்:
சொற்களை சரியான உச்சரிப்புடன் பொருள் அறிந்து வாசித்தல். சிறு வாக்கியங்களைப் பொருள் அறிந்து ஏற்ற இறக்கத்துடன் வாசித்தல். குறைந்த வாக்கியங்கள் கொண்ட பாடல்கள், கதைகள் வாசித்தல். திருக்குறள் பொருள் அறிந்து வாசித்தல். பத்தியை வாசித்துக் கருத்தறிதல்.
இலக்கணம்:
வேற்றுமை உருபுகள், பெயரெச்சம் (அ) பெயரடை (௮) பெயர் உரிச்சொல், வினையெச்சம் (அ) வினையடை (அ) வினை உரிச்சொல், ஒலி வேறுபாடு, எதிர்ச்சொல், ஒரு பொருள் பல சொல், அடுக்குத்தொடர், இரட்டைக்கிளவி, இணைப்புச்சொல்.
